09年不一樣的沙巴17天勁食勁歎之旅(短片編)全卷完多相

dusty · 发表于 2009-2-15 00:30:45

之後去左巨人超級市場行街，途中有間叫楊坤英蔬果店，就在中興超市隔離，裡面有種叫新鮮芒果乳酪的飲品，超濃芒果味同很滑，大家如果經過一定要試試.

再去雙天食晚飯，我們七個人點了１，７ｋｇ即二點八斤重的石頭魚，雙天職員話呢條石頭魚係從賣呢種魚黎講見到最大條的，清蒸石頭魚、八隻白灼瀨尿蝦、八隻豉油老虎蝦、海南雞一隻、豉椒聖子蜆、大蘿白蜆湯、八個海皇魚翅羹，每個都有足５０克魚翅，水蟹粥、蒜蓉炒通菜，埋單９７４馬幣，首先講下個石頭魚，咁大條都蒸得咁好，啖啖肉又冇細骨，好鮮甜同ｄ肉好厚好彈牙,
至於呢種瀨尿蝦呼籲大家唔好買黎食，雖然睇落好大隻但係就好似水蟹咁無咩肉架，同埋d肉係霉的，海南雞係好大隻架，但依然好滑有雞味，豉油老虎蝦好彈牙，海皇魚翅羹個湯好濃加上d翅又彈牙，抵食，水蟹粥反而一般，食完就回酒店休息喇。

LSJ · 发表于 2009-2-15 00:41:24

好多海鲜啊～！！！！

对香港人而言，这种价钱的确不贵。。。
对我们而言，就。。。

每次看港剧，早晨饮茶都要几百几百港元，换来马币，也要几百几百声～
有时真的很好奇想知道，香港人如何定义便宜和贵。。。。。

dusty · 发表于 2009-2-15 20:50:45

今日訓醒梳洗完就出發去市中心的街市買餸，因今日會來個自家制火鍋，我們買了牛骨煲個湯底、又買左紅樹林蟹、墨魚仔、青衣魚起片、黃衣魚起片、手打東星魚旦、好唔掂既午餐肉、蔥、韭菜、蘿白、通菜、西生菜、烏冬、菇類、極品珍珠馬拉雞.

以上的天橋底每天下午四點後就有很多VAN仔車在這裡賣榴槤架，味雅雞飯就在第二條天橋底轉左入就見到的。

下午我們去了吉隆坡好出名既香香板麵到食，我們點了幾款唔同既麵，包括版條板麵、板面幼麵、山東板麵、手工板麵、炒麵，但佢地既湯底係一樣既，不過好好飲，仲有點左個鮮榨番石榴汁，泰式豬腳，好正，埋單７６馬幣。

晚上火鍋湯底就用小肥羊麻辣湯包，ｄ蟹好厚肉好鲜甜，手打東星魚旦好彈牙好正呀，隻極品珍珠馬拉雞比普通的馬拉雞肉質更嫩滑，更重雞味，因普通的馬拉雞比較瘦冇乜肉食，但珍珠馬拉雞多肉些同好重雞味，呢餐買料都只係２百幾馬幣，真係抵到呀，晚上就留在apartment到打下麻雀，玩下啤牌咁應下節嘛。

dusty · 发表于 2009-2-15 20:52:47

原帖由 LSJ 于 2009-2-15 12:41 AM 发表
好多海鲜啊～！！！！

对香港人而言，这种价钱的确不贵。。。
对我们而言，就。。。

每次看港剧，早晨饮茶都要几百几百港元，换来马币，也要几百几百声～
有时真的很好奇想知道，香港人如何定义便宜和贵。。。。。:3a ...

如果香港要食呢餐這樣豐富的海鮮，起碼要三至四千蚊，所以現在二千就可以，你說抵食嗎？因為是年三十晚團年飯，所以要豐富些。

dusty · 发表于 2009-2-17 23:48:12

今早遲左起身，起身出去市中心的warisaw square裡面既一間意大利餐廳食午餐，我們點了蘑菇湯（好飲）、波菜魚湯（唔係好掂好多粉）、蔬菜湯（一般啦）、海鮮湯（很多料好好飲）、還有芝士蒜蓉包（好味）及番茄蒜蓉包（一般）、雞肉芝士寬條麵（味道較淡）、海鮮寬條麵（同湯一樣好味）、超級薄餅（幾好味），還加三杯咖啡，埋單１７８馬幣。

之後四周圍遊覽下，行到三點幾到就去左富麗華茶餐室下午茶，地點就在和生園食街，點了喇沙米粉（個湯唔夠正宗冇蝦味）、炒貴刁（好好味），叉燒干撈麵（一般），埋單６０馬幣。

晚餐我們都係去雙天海鮮酒家食，點了石頭魚湯（用左日式煮法，味道一般）、馬拉盞燒蒲魚（即係魔鬼魚，味道很好又滑）、清蒸非洲魚（呢條係淡水魚，但估唔到出奇地好食又夠滑，又冇乜骨同冇泥味，正呀，而且仲好平）、紹酒蒸深海蟹（肉厚味清甜，好正）、蒜蓉
炒飯（味道係幾好，但可惜炒得唔夠干身）、辣酒蒸花螺（好正）、蠔油生菜、馬拉盞炒通菜，埋單３６５馬幣，食飽之後就回酒店休息。

dusty · 发表于 2009-2-18 21:45:51

今日睏醒後就跟完美假期旅行社出發去螢火蟲餐廳食午餐，我們每人點了一個蝦麵，仲有黃油煮珍珠馬拉雞、鹽焗珍珠馬拉雞、薯仔葉炒旦、蝦醬炒通菜、肉骨茶、胡椒豬肚湯、鮑魚片炆冬菇、鹹魚臘味煲仔飯，首先講下個大老虎蝦麵，隻老虎蝦好鬼大隻都只係賣１５馬幣碗，真係勁抵食呀，加上個湯底真係超級無敵咁鮮甜，仲好重蝦味好正宗，黃酒雞好重酒味甜甜地，ｄ雞好正好滑，另外鹽焗珍珠馬拉雞都係必食既，雞很滑同孚重雞味，但如果要食珍珠馬拉雞的話，記住一定要提早打電話去預訂，蝦醬炒通菜都好正，好味過用馬拉盞來炒，我們還打包左１２盒蝦醬回港，每盒只售１５馬幣，真係同香港既差好遠完全唔一樣，薯仔葉炒旦亦都好好味好正，他們用既薯仔葉係不含化學肥料種的，亦不同出面食到的品種，加上係秘制過先再炒，更加天然好味，肉骨茶係冇落味精的，因我們係出面食過好多都會加味精的，他們老闆講係用左２４種藥材和香料煮成的，但湯底又唔會話好濃藥材味，裡面的肉丸很新鮮又彈牙，好好味，胡椒豬肚湯又係另一超級推介，很好飲，所有材料係點到即止，味道剛剛好唔會有太突出既味道，蓋過原有鮮味，個鮑魚片炆冬菇既鮑魚片係即食鮑魚片，但都煮得好軟身唔會靭，鹹魚臘味煲仔飯做得很好，ｄ飯好入味，撈入蔥粒來食仲正仲好食，總結這間食店的食物真的好有水準。

食飽飯後我們就去左間燕窩專門店買手信，完美假期帶去的係有七折的，好鬼著數，師兄仲買了一斤瀑布洞燕盞７２００馬幣四両裝，呢款瀑布洞燕盞係天然無加任何人手加工，同埋發起來後有三倍份量咁大，還最少需要浸三日以上，而我就買了純正官燕碎４７６８一斤，７折後真的平好多好抵食呀，還有東革阿里有馬來西亞人參之稱，聽聞醫糖尿好有效，其實佢都仲有好多功效的，我仲買左一條洞礦石做成的珠鏈，係幫助散熱，好似話如果發燒放係枕頭底會有助退燒，而我買的這一條仲係限量版，刻了佛字的，師兄都有買到一條，另外還買了兩個用錫制成的茶罐，最後再買左些少零食做手信，便回酒店沖涼再出發食晚飯。

晚上我們去了貴都海鮮樓食晚餐，我們點了紅燒鱷魚掌（炆得雖然好軟身，但可惜隻掌太細，冇乜肉）、蟹肉粟米羹（還可以啦）、花菇鹿筋海參西蘭花（如果ｄ汁丙濃些就會更好味，但整體都幾好食）、招牌豬手係必食既（皮脆肉滑，又夠味）、招牌鑲豆腐（亦好好味）、另外想講講這間店的甜品真係唔錯，個芒果布丁（有好多果粒，加上又香滑而且不太甜，正呀）、椰子糕（又係好正）酒樓送的、奶油鍋餅（亦係值得推介給大家，好好味），埋單３６２馬幣，之後就回酒店休息了。