2013年11日大伙兒敦煌、西安探索絲綢足蹟歎美食之旅-day7

dusty · 发表于 2013-5-9 11:47:03

本帖最后由 dusty 于 2013-8-24 12:05 AM 编辑

今次我們一行十三人，這行程及計劃亦準備了幾個月，最麻煩係要搵平機要及行程路線，好彩都能一一解決了，張掖、敦煌、嘉峪關我們都係包車去景點的，不過因為係四月尾出發，會跨五月一黃金週，所以門票都會貴點，但為了遷就大家日子，所以沒辦法，整個行程費用預計一萬蚊人仔一個人全包.

Day 1: 深圳 > 馬子祿牛肉麵午餐 > 蘭州半日遊 > 火車 > 張掖 > 張掖天域國際酒店 > 老周炒拔拉宵夜 > 酒店

Day 2: 早餐 > 馬蹄寺 > 大佛寺 > 馨園卷子雞午餐 >  丹霞睇日落 > 川味十足排檔晚餐 > 00:38火車宿

Day 3:  07:46火車站 > 莫高窟 > 卜記驢肉黄麵館午餐 > 嗚沙山 > 月牙泉(看日落) > 敦來順清真大餐廳晚餐 > 敦煌山庄酒店

Day 4: 酒店早餐 > 陽關 > 西千佛洞 > 靖远尕六美味羊羔肉晚餐 > 敦煌18:58 > (火車) > 嘉峪關 23:42 > 嘉峪關酒鋼賓館

Day 5: 酒店早餐 > 嘉峪關關城 > 天下第一墩 > 懸臂長城 > 寧清閣餐館晚餐 > 嘉峪關酒鋼賓館

Day 6: 市區遊 > 鏡鐵市場美食廣場午餐 > 嘉峪關15:10 > 西安17:10 > 外婆印象晚餐 > 市區遊 > 秦唐一号酒店

Day 7: 樊記腊汁肉夾饃、魏家凉皮早餐 > 鐘樓 > 鼓樓 > 西羊市老米家大雨泡饃午餐 > 化覺巷清真大寺 > 大皮院下午茶 > 烏家特色小炒泡饃、老劉家伊味香肉丸糊辣湯 > 老童家腊羊肉買手信 > 定家小酥肉晚餐 > 回民街 > 宵夜 > 秦唐一号酒店

Day 8: 早餐 >  大雁塔、大慈恩寺 > 陕西歷史博物館 > starbucks下午茶 > 大雁塔廣場18:00  > 珍菇源‧武陵山珍 > 秦唐一号酒店

Day9: 兵馬俑 > 德發長餃子館晚餐 > 秦唐一号酒店

Day10: 華山一天遊 > 秦唐一号晚餐 > 秦唐一号酒店

Day11: 秦豫肉夹饃早餐 > 明城牆 > 書院門步行街市區遊 > 西安飯莊午餐 > 機場  > 西安(20:30) > 深圳(23:00)

Day12:深圳機場大酒店 > 飲早茶 > 回港

dusty · 发表于 2013-5-10 01:59:19

呢晚我們一行十三人去了元朗老地方菜館食晚飯，因為上次我食過後，班團友要求我帶他們去品嘗，加上今晚食完飯就要上深圳機場酒店過夜！

以上係餐牌

餐前小食:辣青瓜，味道唔錯，青瓜夠凍夠爽脆

這晚我們點了老地方小炒王、豉油皇蝦、薑蔥魚卜煲、生魚兩食、豬骨煲、奇妙雞煲，埋單$8XX蚊

老地方小炒王:小炒王很多菜館都有，自已唔多喜歡，因為唔鐘意食腰果，不過這店炒得唔錯，魷魚好味道

豉油皇蝦:海蝦係游水貨，這蝦殼比較薄，咬落極之脆，連殼都可以食埋，而且味道很惹味，正啊

薑蔥魚卜煲:最喜歡咁多蔥heehee，魚卜份量足，而且無腥味的

生魚兩食:老闆極推薦我們食生魚，我問好食咩？會唔會有泥味架？老闆話這條魚一點泥味都無架，而且又係游水的，所以決定一試，不過條魚都幾大條下

椒鹽骨腩:師傅炸得真係好，外層用薄薄的粉漿，所以咬落唔覺粉，而且裡面的魚肉非常嫩滑，我未試過生魚咁樣食法的

西芹炒球:生魚塊啖啖肉，咬落很少魚骨的，估唔到生魚都咁好食

奇妙雞煲:雞係冰鮮貨，味道很唔錯，起碼唔會很鹹

豬骨煲:終於主角出場喇，今次老闆真係用了大蜆喎，份量睇落更加多，不過今次我們就夠晒人數，一定要清晒這豬骨煲

大蜆肉質很鮮甜呢

豬骨大大舊，最喜歡豬筒骨

啤酒

dusty · 发表于 2013-5-10 02:05:38

Day 1: 深圳 > 馬子祿牛肉麵午餐 > 蘭州半日遊 > 火車 > 張掖 > 張掖天域國際酒店 > 老周炒拔拉餐廳宵夜 > 酒店

昨晚我們在深圳機場酒店住了一晚，因為今日飛蘭州航班比較早

咁早已經有大批旅客在機場

今次我們搭海南航空去蘭州，而且還見到香港某明星同機，不過他係坐頭等既，先辦理登機手續先

很開心這班機無延誤，很準時就登機

今次係我同老婆第一次以背包的行裝去旅行，因為回內地唔適合用大行李箱，內地的士後尾箱係較少空間，加上我們成十三個團友，所以都係輕便的好

很快地飛機已衝上雲宵

先同老婆來個自拍先

之後老婆好快地解除行裝

這盒就係飛機餐喇

飛機餐有辣榨菜、蛋糕、餐包、沙律、蕃茄仔等等，我想知包榨菜係咪配餐包黎食架？

坐飛機通常唔係訓覺就係睇片，我睇曼聯對維拉場波，老婆就睇韓劇

轉眼間望出窗外，見到遍地都山或黃士，不過能見度很好

地面非常多田地

然後見到很長的河流

感覺下面係荒涼之地

大概三個小時機程就降落蘭州機場

大家估下他係邊個？

再近鏡些看看heehee

拿完行李就在機場買去通往市區的旅遊巴，每位$30蚊

我在車上拍攝的，因為玻璃的顏色偏黃

大概一小時車程就會到達市區

原來蘭州市都有很多高樓大廈架，沒想象中落後

旅遊巴總站在市區，我們落車後本來想搭的士到火車站的，但發覺係很難的事，蘭州的士通常以釣泥鯭方式為主，意思就係一架車同時間載不同的客人去順方向的路程，有些會先問你去邊？知道唔順路或太近就唔去，他們像唔憂做咁！好彩我們亦經驗豐富，原來落車地方附近就有公車，我們搭一路車到火車站，其實只有大概兩個站就到，一條大直路，搭公車才$1蚊位，真係慳錢又唔需要受氣啊！因為蘭州的士司機都幾無禮貌下......

蘭州街上有很多賣菠蘿的小檔口，不過都幾不衛生，因為很多塵！

唔洗十分鐘就到達火車站，不過時間還早，我們先去醫肚先

醫肚前，我們要寄存行李先，免得拉黎拉去，又怕會唔見

行李寄存收費表

dusty · 发表于 2013-5-10 02:07:17

本帖最后由 dusty 于 2013-5-12 10:10 PM 编辑

來得蘭州，相信很多人一定會試有名的蘭州牛肉麵，我就期待了好耐時候了，據我所知火車站附近就有間極出名的正宗牛肉麵館

其中這間馬子祿就係最有名的，不過今次就無機會去總店品嘗

蘭州人很喜歡食麵，一日三餐都係麵麵麵，唔怪得店裡都幾旺

牆上有很多明星同老闆合照的相片

廚房情況，拉麵係即點即拉的

我們點了醬牛肉、荳芽、酸菜、牛肉麵等等，13人份量埋單$146蚊

醬牛肉:完全無特別，味道偏淡，我猜醬牛肉其實係唔同南方的，只是清湯煮的

荳芽:不過不失

酸菜:味道唔會太酸，但很開胃，唔錯

怎樣才算得上正宗蘭州牛肉麵？就係要做到一清、二白、三紅、四綠、五黄，一清係指湯頭要清，二白指蘿蔔、三紅指辣椒油、四綠指蔥花、五黃指麵條的顏色，但我試後才發覺，原來我一直追求的蘭州牛肉麵係咁一般的，首先拉麵真的係經人手用力去搓麵粉，然後收到落單就即時拉出麵條，但點解麵條一點彈性都無呢？加上辣椒油的味道完全破壞牛肉湯頭的味道，我覺得這是敗筆！

老婆就點了清湯不辣的牛肉麵，其實清湯會更好味，你會飲出淡淡的牛肉味，其實這湯頭的味道雖然係偏淡，但很好飲的，不過麵條就真的很一般

隔離這檯兩個小孩都食咁大碟麵，真係厲害啊

好彩這店還買到我的最愛heehee

這店還提供免費的飲料，這飲料有著非常濃的西芹味，唔錯

食飽後，我們去了火車站附近行下，順便買些生果在火車上食

我們買了些人參果、萍果、菠蘿等等

這樽橙粒粒咁既顏色，一點都唔似橙汁囉！

這些葵花瓜子係叫老闆娘送架hahahaaaaa
終於等到夠鐘上車喇，其實我們團友在今次旅程付出了很多的第一次，例如這種火車亦係第一次搭！

車站裡面大堂天花很有特色

我們搭T295火車到張掖，T代表快車，而蘭州到張掖要成六個小時車程的

我們搭這些火車，真係發生很多不愉快的事，不過就當係經驗，亦可能我們生活在太有規律的城市啦！

火車原途都係這些黃泥山

dusty · 发表于 2013-5-10 02:09:11

火車上買的水果酸奶，但其實似椰子奶囉，唔覺得有酸味！

人參果:我從未食過咁難食的生果架，味道古古怪怪，有點草青味，只開了這個試試，還買了幾粒咁多！

不過萍果同菠蘿就超好味，萍果又爽又清甜，菠蘿簡直甜得過份，汁多，而且係無渣架，好好好好好好好味呢

食完生果又睇下外面風景

我們的坐位係咪好迫呢？十三人的行李加背包都要有技巧才放得晒，連前後的坐位底空間都用埋，中間這大行李係師兄架......

珠姐、Carol媽、美女、老婆最多零食提供，所以在火車上不停開餐heehee

珠姐帶來的迷你麻雀

見到老婆這個神情及裝扮就知有問題，其實火車六個小時裡面，不停有很多人在車卡與車卡中間食煙，煙味籠罩著整個車廂！我都唔明白點解唔完全禁煙？又或者把禁煙區同吸煙區分開，加上車廂冷氣很弱，搞到我們都不停咁咳，唉......

好彩都捱完坐火車的時間，但我們往後還有兩程火車要坐，想起都有點怕啊，火車到步後已經係晚上十點幾，我在火車上亦已跟明天包車張師傅聯系過(張師父聯系電話13195969226)，張師傅主動提出晚上會來接我們到酒店，我們意想不到會咁好的，而張師傅很準時在火車站接我們，然後回酒店辦理手續，之後帶我們去附近甘州一條街食宵夜，但因為太夜，很多店都已關，所以選擇得返兩間！