2013年大伙兒10日9夜非一般沙巴動感歎美食之旅-海島+美食+...

dusty

oscarmastw 发表于 2013-3-31 02:09 PM
海水清澈當然是首要原因，相機素質也不能不注重，我使用的C牌子機連原廠潛水殼素貭只是一般般！ ...

現在的相機真的很平，光圈又大{:1_148:}

dusty

嗚謝師兄提供某些日出照片



不經不覺這天我們就要離開仙本那了



其實我這天都很早起身影日出





















雖然每天都有日出，但今天係最後在民宿欣賞日出，所以特別有味道





這間係第四種房，我未入過去裡面，所以沒相片提供









以上係今日早餐，不過我們的私人早餐還要等待中......



終於等到有魚船開始過來喇



我們的目標係海蟹，不過唔夠其他人手快買晒，好彩還有其他船





這位姐姐仔塊面係搽了魚粉，很天然的防曬效果





今次隻船大把蟹賣，還有琵琶蝦







一串共rm20蚊，我們買了三串，唔該我要紫蟹那串啊heehee



話咁快龍師傅就幫我們煮好蟹粥



這一大鍋粥差唔多有成二十隻海蟹去煲架，係咪好誇張呢？



蟹已經不再是搶手貨，因晚晚咁食法，點都會有點膩啦！其實粥才是精華，所以一陣間已見底......





蟹夠大隻，羔亦很多



有咁靚既海蟹做粥膽，你話啖粥鮮唔鮮喇？





勁爆蟹肉，我唔客氣喇heehee

我們食飽飽後，就在等船回仙本那碼頭，不過聽職員話，隻船發生故障，所以今日要晚點才能走，好彩我唔趕時間，反正晚餐亦在仙本那食

dusty

突然又見到海龜游過黎，係咪知道我們會走呢？







呢個細路咁早就過來玩，嚇走d海龜喇！











休息了一陣，我們就切些生果食，昨日街市買的都忘記了！



之後又見到有魚船過黎，今次有5隻龍蝦，船家開價全部賣rm350，成班年青的KL華人行過去講價，最後rm300成交，我覺得rm250才合理





過了一陣，又見到大海龜游埋黎











所以住民宿都有好處，有平價海鮮、有海龜睇



雖然每日都有不同的遊客進出，民宿亦不段在擴建，但我已感覺不到昔日的熱鬧，以前民宿係很多職員的，但現在較為冷清，外國教練亦多了，他們都係在這裡吸取經驗，所以人工係很低，但她們能把興趣溶入工作裡面，邊做邊玩，這樣亦係享受人生的一種，幾時我亦能好好追求夢想呢？



我們這時在辦公室等船離開







德國教練今日特意陪我們出去食午餐，雖然大家相處的時間唔算很耐，但因為外國人的性格，所以很快就能相熟，有傾有講

dusty

轉眼間我們已到仙本那岸上，我們午餐在海中寶餐廳，這間係德國教練提供的，因為昨晚啊龍餐廳做了幾圍大客，所以今日休息一天！



這間海中寶就在第一晚宵夜隔離



對著龍門客棧





因為還未開餐，所以各人都要求同教練合照





這位係餐廳第四代將門人，我們的德國教練亦係她徒弟，我亦即場問了他很多潛水技巧，非常受用

閒話講完，我們就睇下有咩海鮮先，有些海鮮係早一日打黎訂定的





班馬瀨尿蝦不同大小，價錢亦有出入



我們訂的Size唔係最大的，因為無貨！但其實這隻都唔差，rm16蚊100g，我們點了9隻



石頭魚我們訂了5條，不過價錢當然唔係rm5蚊條啦，5條成rm627蚊架！



蘇眉:因為伯母來之前指定要食到的，所以我做後輩的，當然要盡力配合啦



其牠班類



冰鮮虎蝦



龍蝦X2



新鮮黃玉參:唔係很多地方能食到架



揀好晒海鮮，再睇下加些其它小菜先



看完餐牌後，我們19個人點了龍蝦刺身X2、石頭魚刺身、磨豉醬炆石頭魚皮、椒鹽班馬瀨尿蝦、清蒸蘇眉X2、海鮮黃玉參煲X2、薑蔥炒象拔蚌仔、馬拉盞炒薯仔菜X2、蒜蓉炒通菜X2、海王湯X2、三色蒸水蛋X2、飲品、白飯，埋單$rm3025蚊.







桔仔沙冰:我第一次飲這沙冰，味道好濃比桔仔冰更好飲



凍檸茶



鐵觀音:伯母要飲中國茶



馬拉盞炒薯仔菜



蒜蓉炒通菜





海王湯:裡面主要材料係龍蝦同瀨尿尿的頭頭尾尾，因為唔算很大煲，所以味道都幾鮮



話就話頭頭尾尾，但都幾多肉架





海鮮黃玉參煲:老闆話新鮮既黃玉參較難食得到，參係對身體很有益的，而且這種黃玉參特別容易被人體吸收，因為每樣食物食落肚，人體又能吸收到幾多呢？我就唔清楚喇，但人體能吸收到黃玉參百份之七十的，而且咁新鮮的海參口感係很彈性的



清蒸蘇眉




師傅真係蒸得很好，我幾怕會蒸得過火，不過肉質真係好嫩滑，你睇肉質幾咁雪白，而且係一梭梭的，證明唔係養魚來的



龍蝦刺身:賣相切得好過我果些



肉質經過冰鎮後，會更加鮮甜有彈性架

dusty

椒鹽班馬瀨尿蝦:呢種軟殼的班馬瀨尿蝦，比硬殼的瀨尿蝦更鮮甜，這點係老闆講的



賣相炸得很靚



看看個殼係咪超薄呢？其實可以連殼食架，其實更有益的





手臂咁長的班馬瀨尿蝦，塊肉幾咁厚，好像牛扒咁要用刀叉黎食先得





師傅係咪炸得很好呢？咬落去肉質一點都唔粗糙，口腔裡只有鮮同彈哈哈哈



三色蒸水蛋:這水蛋裡面有皮蛋、咸蛋、雞蛋，所以味道都幾特別



薑蔥炒象拔蚌仔:拔蚌仔很鮮甜，炒得很好





石頭魚刺身:在我眼中石頭魚要清蒸才是最好的，但老闆話我錯了，他叫我大膽些試下刺身食法，我話唔係掛？我完全完全無想過這種食法，真係想都無想過，老闆還話拿魚皮用磨豉醬去炆



魚肉係超超超彈性架，雖然魚味唔太濃，但口感就一流，很開心又能試過新野



磨豉醬炆石頭魚皮



其實整條石頭魚的重量，大部份都係層皮最重，但我亦係第一次食到，以前通常只食肉，層皮就不知去向，但其實層皮都幾多魚肉的，好好味





在這裡我講樣真實事件你們知，話說其實德國教練係很少食海鮮的，特別係我們話要食石頭時，她話乜食得既咩？然後見到魚骨係綠色的，她又話好神奇喎，不停問我們點解會係綠色既？我們O晒咀，心諗點答到你啊？不過她又做出些很怪的行為，就係把魚骨拿去清洗，然後留作紀念hahahaaaa



飯後生果



單據

食飽飯後，德國教練亦要返島上，而我們就四圍買下野打發時間

話咁快又到晚飯時間，其實離食完午餐才兩個小時到，但無法，因為六點幾就要搭車去機場



所以這餐非常簡單，主角就係這條龍躉，三斤幾重，共1700蚊港幣，然後再點兩碟蔬菜，埋單$862



香橙沙冰:味道又唔錯喎，好鬼橙啊



蒜蓉炒通菜



蒜蓉炒白菜





清蒸龍躉:我要讚下個師傅的刀工，又會切得咁工整既，好野



野生魚真係唔同些，你們知點睇的嗎？



我們來個近鏡講解一下先，因為逢係野生魚，魚皮蒸完一定會縮起來的，因為這代表魚皮夠彈性，而且用筷篤一下就知有幾彈，再看看那層透明的骨膠原



大家起筷喇，魚一定要趁熱食的



魚肉亦係一梭梭的，不過係好大梭



我最喜歡食魚鮫附近那位置，魚鮫就留俾長輩啦



單據

經過幾個小時的車程同機程後，終於安全到達KK了，之後我們回酒店休息



外母剛剛在汶萊帶來的干撈麵





因為不能帶豉油，雖然係夠味，但我始終覺得無豉油撈麵，就不是干撈麵......

kohsyn

砂拉越的干捞面就是没有豉油的～

dusty

kohsyn 发表于 2013-4-1 10:13 PM
砂拉越的干捞面就是没有豉油的～

這是汶萊的呢

kohsyn

dusty 发表于 2013-4-2 02:03 AM
這是汶萊的呢

汶莱在砂拉越隔壁，所以饮食方面会有些相似。

oscarmastw

福州式的乾撈麵不合我口味。。。。

dusty

oscarmastw 发表于 2013-4-2 02:20 PM
福州式的乾撈麵不合我口味。。。。

福州何時有乾撈麵的？我是福州人都不知道啊