2012橫跨新一年在北京7日6夜浸溫泉、歎美食之旅全卷完超...

dusty

今日我六點鐘就起床，然後落酒店食個醒晨早餐，因為七點鐘就要出發去慕田峪長城



我們一早就在網上聯系好司機，整日行程包車連司機費用$800蚊，沒有購物點，但一定要預早同司機講好整日的行程，因為中途更改的話，可能未必會接納！這架VAN仔就係今日坐的車，有一個司機及一個跟車的，整體他們亦很禮貌及會提點一些行長城的事項，我們很準時就出發

在車上很快就訓著了，轉眼間訓醒就已在郊區的景觀





車程大概兩個幾鐘就到達，可能早出發避過塞車時間的關系



慕田峪長城位於懷柔區景內，懷柔就係出產靚栗子的地方，而這長城有萬里長城慕田峪獨秀的美譽



因為時間還早，所以基本上無咩遊客，而纜車都有分南同北的，有兩個不同的地點，而我們就買了有滑道的那個，所以買票前一定要問清楚，因兩者票係不能共用的



開放時間



纜車及索道價錢表






我們搭纜車上去，兩人一架



一陣回程我們會搭滑道落黎的，睇落都幾刺激



今天的天氣真好，希望長城上不會太大風就好了



北京四處都見到大烏巢




大概幾分鐘就到達



這個係線路圖





我們一上到長城，第一眼就係見到滿地都有冰，所以大家應該想象到個溫度，其實現在氣溫大概負十五度，但我們每個人都懷著興奮的心情



我同老婆係第三次行長城，之前兩次係八達領段，但慕田峪段真係好靚好宏偉




城牆上望出去的景色好靚，特別係白色一片







昔日保衛邊境的大炮亦保留下來，現在能感受下當時的氣氛







要爬這個長城係要付出體力的




睇下我們真係要爬架，不過這段長城好像只有我們在爬，可能不是假期的關系












我們亦只是行了兩三段，因為不想消耗太多體力，同埋安全問題

dusty

我們帶了可樂黎飲，只要拿出黎一陣，就已經很凍












她們又開始玩雪球，不過難黎沒什麼遊客，滿地都係雪，自然會玩得很開心







我們大概玩了兩個多小時，就離開去食午飯




師兄一個人搭纜車落去，話要幫我們拍照




我們六女一男就玩滑道



這個圖會教你怎樣控制，其實操作簡單，但就坐得幾累



珠姐第一個出發，其實她係聽唔明個職員講解，所以一支箭咁衝落去，真係嚇死我們啊，因為個速度係可以好快的




我就排最後，後面還有個職員跟著的






不過係幾好玩幾刺激的



話咁快就落到山腳，我們行返去停車場，這時遊客明顯增加了很多

dusty

大概十五分鐘車程就到達午餐的地方，這餐廳叫顺通虹鱒魚，係這帶較出名的餐廳，亦係人工繁殖鱒魚場







這魚場有很多水池，其中這個比較大的，每條魚都很生猛，其中還有金色的鱒魚



估唔到還有鱘龍魚



不過這些水係流動的，從山上流落黎，所以魚的質素一定有保證



這條鱒魚係我揀的



當然還有鱘龍魚



這午餐我們又包場食了heehee




師兄個水壺都結了冰啊




農家菜牌，雖然選擇不算多，但很足料的

我們點了烤鱒魚、清蒸鱘龍魚、紫雞炖蘑菇、栗子燜肉、蘿蔔絲魚丸、農家豆腐、韭菜炒豆芽、蔥花攤雞蛋、清炒萵筍、肉沫小白菜、虹鱒魚水餃、魚頭白菜豆腐湯、菊花菜一壺，埋單$474蚊.



蔥花攤雞蛋:農家的雞蛋真係特別香濃的，本來想點蕃茄炒蛋，但這個就較少試，味道唔錯



韭菜炒豆芽:豆芽又甜又爽口，好味



農家豆腐:非常一般，我還以為係山水豆腐，點知係普通的！



清炒萵筍:萵筍都很甜，所以很快就食晒




蘿蔔絲魚丸:這個係職員推薦的，湯頭很清甜，魚丸很滑滑，蘿蔔絲亦很甜，果然無介紹錯




虹鱒魚水餃:用鱒魚做的水餃真係好少有得食，不過鱒魚本身魚味較淡的，所以不覺得有驚喜



烤鱒魚:因為我們怕食魚生，所以改用烤的，整條魚大概兩斤重，但價錢才$53蚊，真係平到笑，魚的肉質超滑，而且一點泥味都無，但如果表層能再烤得乾身些就好




柴雞炖蘑菇:柴雞係雞品種之一，肉質鮮美而帶有韌度，我就最喜歡這種雞，其實唔太韌的




栗子燜肉:這燜肉真係好食到不得了，全餐之最，我覺得比杭州的東坡肉更好味，雖然係用較肥的部位來燜，但一點都唔肥膩架，而且咬落有口感，超好食



肉沫小白菜:農家菜當然要食多些蔬菜啦，個醬汁無得頂啊




魚頭白菜豆腐湯:用了鱒魚頭部去熬，但整個湯都較淡，沒什麼鮮味，但總好過落味精嘛



清蒸鱘龍魚:呢條鱘龍又係極品，2.6斤重才$130蚊，但比廣東一帶的好，因為又係無泥味囉，整條魚都係軟骨，所以食得很放心，而且骨膠原重，女子要食多些啊



單據

dusty

食飽後就出發去紅螺寺，路程不太遠




成人要$54蚊位，都不平宜的



職員們忙著鏟雪



紅螺寺地圖


















這條路係去觀音寺的，但要行好多樓梯級囉，所以放棄了，我們轉行十二生肖園






但生肖的雕刻真係沒有神態，好普通



然後行羅漢園，有成500個羅漢，你們數得完嗎？




我就一定數不多！







簡簡單單就行完紅螺寺，我得得如果秋天來會較好，因有很多紅葉襯托的

dusty

之後我們回酒店先，然後再去香滿樓食晚飯





我們一早訂定檯的，今晚我們食北京菜



先來支純生啤啤先，但珠姐話好淡味，我就飲菊花茶heehee

我們睇完餐牌後，就點了烤鸭、椒鹽鴨架、南煎丸子、油爆鴨舌、芥末木耳、芥末鸭掌、炸牛奶、烏魚蛋湯、西湖牛肉羹、油泡鱔糊、香辣蹄筋、拔絲雞蛋、老醋蛰頭、紅花汁栗子白菜，埋單$707蚊.



西湖牛肉羹:這個羹味道本應就係較淡的，但你會在當中嘗到牛肉味，而且牛肉還很嫩的，這店做得非常出色





烏魚蛋湯:這湯亦係北京國宴名菜之一，這湯一樣係較清，亦用了黃瓜水同胡椒粉，味道唔錯




香辣蹄筋:我覺得很普通，好像食很薄的塑膠一樣！




南煎丸子:這個其實係豬肉碎，很像肉餅或獅子球，味道還可以，肉質亦很嫩




老醋蛰頭:老醋很香，可惜蛰頭不算很脆口




芥末鴨掌:只是很簡單的鴨掌同芥末的配搭，真唔明點解咁出名？



芥末木耳:木耳夠凍又夠脆，唔錯




油爆鴨舌:鴨舌我就麻麻地，但又忍唔住要試試，味道調得很好，如果兩側再多些肉就更好




油泡鱔糊:這碟就精彩喇，一點都不比蘇杭出品的差，味道香濃而不搶鱔的鮮味



而且鱔亦很肥美，切得很豪氣，美味啊



红花汁栗子白菜:白菜煮到腍晒，而且吸收晒红花汁(藏紅花)，很香的




烤鴨:在北京第三日才食到烤鴨，真的有點兒那個啊，鴨係剛烤好的，睇相都感覺到烤得唔錯



配料



春卷皮




色澤好靚啊，而且肉還很嫩



首先加點配料



然後搽上醬



咁就完成了，但點解鴨肉唔太香既？心裡有點失望




椒鹽鴨架:估唔到有咁大盤的，師父炸得很酥，味道又不會很鹹，唔錯




炸牛奶:這個炸牛奶又係一絕，我們每人都贊口不絕，外脆之餘，裡面的牛奶很香濃的，大良果些炸牛奶真係彈開一角啊！



拔絲雞蛋:份量都唔少，其實我們都已很飽了



睇下幾咁多絲hahahaaaa，蛋味亦很濃架，不過如果用冰水就更好



這個係在街邊見到的，但估唔到係好脆的，蛋漿又不太甜

dusty

今早我們專程去國貿站食早餐，在G出口過對面就係SOHO現代城





我們滿心歡喜來品嘗阿春家蟹黄鮑魚生煎包，點知職員話未開店！但明明資料寫早上七點已開門的，原來咁早係賣外賣滷水食物，生煎包就要大概十一點才做生意......



咁我們就過隔離永和大王食早餐啦



餐牌

我們點了豆漿、油炸鬼、肉松飯團、小籠包、多C番茄牛肉麵、珍味五菇麵、大王紅燒牛肉麵、餛飩，埋單$185.5蚊



豆漿:無試





肉松飯團:飯團比一般的細很多，但肉松又幾香喎，而且飯亦很軟熟，唔錯



小籠包:一般



餛飩:一般



大王紅燒牛肉麵:我最愛就係食麵heehee




多C番茄牛肉麵:番茄味較濃，牛腩很腍很入味



珍味五菇麵:普普通通



油炸鬼:因為剛剛炸起的，所以特別好味，脆度就一般，但夠新鮮



食飽後就搭的鐵去天安門站，今早要參觀故宮，雖然之前都去過一次，但上次很多都在維修中，所以呢次要好好參觀，加上剛播完大太監電視劇，我係打不死既火鳳凰彭三順！hahahaaaaa




雖然係打不死，但一樣要安檢



睇見咁既氣勢，係人都唔敢搞事啦！



我除了計劃行程、找資料、找機票及酒店外，還要在適當時候做師兄的人肉佈景板，但又無人工收喎！




真係人山人海啊



一進入故宮，把守第一道門，名叫端門




明清時，逢皇帝上朝，百官皆跪於端門，待皇帝召見，方可穿過端門



我們就得到批准上朝，所以可過端門



這道門經歷咁多朝代，見證各皇朝的興衰



穿過端門後，前面就係第二道門，名叫午門




不過首先要買門票，$40蚊位





紫禁城的正門，位於紫禁城南北軸線，位當子午，故名午門。日常午門是頒發皇帝詔書的地方。遇有重大戰爭，大軍凱旋，要在午門舉行向皇帝敬獻戰俘的「獻俘禮」。公布俘虜是押送刑部還是釋放。每逢重大典禮及重要節日，都要在這裡陳設體現皇帝威嚴的儀仗。









穿過午門後，就到太和門

dusty

太和門在光緒十四年（1886年）十二月十五日深夜，太和門護軍值班房因護軍熟睡，油燈點著門柱引發火災。雖然派出了7000多人次救火，大火依然燒了兩天，太和門被焚毀。直到光緒二十年(1894年)才修復。






天花的橫樑畫了很多龍，而且畫功精細



穿過太和門後，就到大和殿






皇帝即位、皇帝大婚、冊立皇后、派大將出征遠方等事件，皇帝都會在太和殿接受群臣祝賀，這樣的儀式叫「朝會」。朝會會用到大量的陳設、樂器等的設備，規模極大。




皇帝會在大殿上接受大臣的叩禮，有時還會在太和殿設宴款待群臣，但平時太和殿係空無一人，但現在就幾難會無人喇！






呢些銅鐵缸係用來裝水防火用的，但因冬天既天氣太冷，很容易令水結冰，所以缸底會不段有燒炭保溫的











穿過太和殿後，就到達中和殿





中和殿是北京故宮外朝三大殿之一，是皇帝舉行大典之前休息的地方。





門邊的雕刻都係以龍為主





之後就係保和殿









在乾隆五十四年（1789年）這裡成為殿試的固定場所。在禮部舉行的會試中獲錄取的人（稱為貢士，其中第一名為會元）方有資格參加殿試。題目由皇帝擬定，並指定大臣閱卷。




想迫入去拍照都要花點氣力！






之後我們行去左邊入口，那裡係通往乾清宮的












乾清門:康熙作出的不少重大決定都是在乾清門聽政時決定的

dusty

乾清宮係清代皇帝死後的停柩之地





大廳高掛一幅「正大光明」匾，匾後曾秘藏傳位詔書，令它成為紫禁城內家喻戶曉的宮室。






點解兩邊會安放咁大既鏡呢？





















我們來到養心殿




這裡先後有包括慈安太后，慈禧太后，隆裕太后在內，一共十一位清帝國最高統治者於此處聽政起居，養心殿遂成為故宮內的權力中樞。























儲秀宮:這座宮院除去名為儲秀宮的正殿之外，在被慈禧太后下令更建之前，還有正門儲秀門，在和翊坤宮打通之後不復存在。
後殿麗景軒。
正殿的東、西、南、北這四角各有一座配殿。
體和殿、儲秀宮和翊坤宮打通後，在被拆除的儲秀門原地新建此殿，以作為穿堂殿

dusty

不知不覺行到最後一個景點，就係九龍壁，但要額外收費的，裡面亦有珍妃井






我們在神武門出口離開

dusty

參觀完故宮，我們就搭的士去四季民福食午餐



呢餐亦係食地道北京菜





因為過了食午餐時間，所以客人唔算多






餐廳裝修得唔錯

我們坐低後，就點了菊花一壺、貝勒烤肉、木桶豬手、火燎鴨心、松鼠桂魚、小炒有機菜花、手撕包菜、京味小食拼盤、海參腸烏魚蛋湯、醬油炒飯、砂鍋酸菜粉絲白肉，埋單$636蚊.



菊花




貝勒烤肉:其實味道就像蔥爆羊肉，北京食羊肉都係唔會很羶，但羊味很夠，而且師父炒得很好，肉質很嫩




醬油炒飯:這個飯很軟熟，我喜歡濕濕地，太乾身反正不喜歡，而且味道很唔錯




木桶豬手:豬手煮得非常入味又夠腍身，而且還很惹味，值得推薦



小炒有機菜花:有機菜係特別甜的，咬落有口感，唔錯



火燎鴨心:這碟菜係北京名菜之一，今次亦係第一次品嘗，這味道我亦很喜歡，但鴨心炒的時間掌握得很好，一點都不過火，所以咬落一點都不粗糙



手撕包菜:包菜係特別脆口的，用上醬油炒一炒，又甜又好味架




海參腸烏魚蛋湯:昨晚試的烏魚蛋湯同這間又唔同的，這店做得會濃味些，所以而者各有優點




砂鍋酸菜粉絲白肉:可能白肉係較肥膩，所以用酸菜去中和，我都幾喜歡這味道，酸度唔會太濃，但又幾醒胃的




松鼠桂魚:這魚炸得很好，比現在的大董更出色，外脆肉嫩，裡面的肉質很鮮，最重要係粉漿夠薄，入口順喉








京味小食拼盤:老北京糕點，雖然細細件，但價錢唔平的，但你食過後，就會覺得值，比護國寺小食店更好味



桔仔:又甜又多汁



單據

食飽後就行去王府井教堂





以前經過都是晚上，今次才看清整座教堂的樣貌



可以入內參觀的

然後我們搭地鐵去前門大街






首先會經過正陽門箭樓



我每次經過賣冰糖葫蘆的檔口都想買來試試，但不知何解只是想想而沒行動！



對面就係前門大街，這條街非常繁榮的